ഉദ്ഘാടനത്തിന് സ്പീക്കര്‍ എത്തിയത് ചെരുപ്പും ബാഗുമായി
മലപ്പുറം ജില്ലയില്‍ ശുചിത്വ കേരളം-ഹരിതകേരളം മിഷനുകളും കേരള സ്‌ക്രാപ് മര്‍ച്ചന്റ്‌സ് അസോസിയേഷനും സംയുക്തമായി സംഘടിപ്പിക്കുന്ന പാഴ് വസ്തു ശേഖരണത്തിന്റെ ജില്ലാതല ഉദ്ഘാടനം നിര്‍വ്വഹിക്കാന്‍ സ്പീക്കര്‍ പി.ശ്രീരാമകൃഷ്ണന്‍ എത്തിയത് തന്റെ വീട്ടിലെ ചെരുപ്പും ബാഗുമടങ്ങുന്ന പാഴ് വസ്തുക്കളുമായി. വീട്ടില്‍ നിന്ന് കൊണ്ടുവന്ന പാഴ് വസ്തുകക്കള്‍ ഉദ്യോഗസ്ഥരുടേയും ജനങ്ങളുടെയും സാന്നിധ്യത്തില്‍ കെ.എസ്.എ.എ ജില്ലാ സെക്രട്ടറി കെ.പി.എ ഷെരീഫിന് കൈമാറി. നഗരസഭാ ചെയര്‍പേഴ്‌സണ്‍ സി.എച്ച് ജമീല, ബ്ലോക്ക് പഞ്ചായത്ത് പ്രസിഡന്റ് സലീന, ഹരിതകേരളം ജില്ലാ കോര്‍ഡിനേറ്റര്‍ പി.രാജു. ശുചിത്വമിഷന്‍ ജില്ലാ കോര്‍ഡിനേറ്റര്‍ അജീഷ് സി.കെ ചെറിയലോകത്ത്, ശുചിത്വ മിഷന്‍ ജില്ലാ കോ-ഓര്‍ഡിനേറ്റര്‍ പി.രാജു. ശുചിത്വമിഷന്‍ പ്രോഗ്രാം ഓഫീസര്‍ ഒ. ജ്യോതിഷ്, കെ.എസ്.എം.എ സംസ്ഥാന ജോയിന്റ് സെക്രട്ടറി കെ.പി സുരേന്ദ്രന്‍ തുടങ്ങിയവരും പങ്കെടുത്തു.
